Mərkəzimizdə hər bir bölmə və müvafiq siniflər üzrə valideyn komitəsi təyin edilmişdir və bu hər bir sinfin ehtiyac, təklif və müraciətləri barədə daha operativ şəkildə məlumat almağımıza kömək edir. Valideyn komitəsi üzvləri Mərkəz rəhbərliyi ilə birbaşa ünsiyyətdə olduğu üçün qarşılıqlı müzakirələr çərçivəsində istənilən məsələləni həll edə bilirik.
2001-ci ildə qurulan XXI Əsr Məktəbi ötən 25 il ərzində minlərlə şagirdin inkişaf yoluna şahidlik edib. Bu illər ərzində məktəb yalnız təhsil verən bir məkan deyil, dəyərlər formalaşdıran, şəxsiyyət yetişdirən və gələcəyə inam aşılayan bir icma olub.
Beynəlxalq proqramlara əsaslanan təhsil yanaşması, təhlükəsiz və dəstəkləyici mühit, müəllim və valideyn əməkdaşlığı ilə qurulan məktəb mədəniyyəti bu yolun əsas dayaqlarıdır.
Sizi məktəbimizlə yaxından tanış olmağa dəvət edirik. Fərdi görüş təyin edin, suallarınızı ünvanlayın.